आपल्या देशासाठी प्राणाची आहुती देणाऱ्या तमाम क्रांतिवीरांना समर्पित :-
"समर्पण"
एकदा सहज एक फुल
माझ्या ओंजळीत पडले
आणि म्हणाले,
" तरुणा जरा बघ माझ्याकडे
या ताज्यातवान्या सुगंधित पाकळ्या
फक्त काही वेळ, दुसऱ्यांसाठी
तुमच्यासाठी असलेले माझे हे अस्तित्व .
निसर्गाच्या सानिध्यात
इतर फुलांसोबत डोलण्यासाठी,
गार वाऱ्याचा उपभोग घेण्यासाठी
आता मी नाही,
माझ्या जीवनाचा पुढील काही वेळ
तुमच्यासाठी .
एक पूर्ण उमळलेलं फुल
त्याच ध्येय मातीत मिसळण्यासाठी
बलिदानाने मातीलाही सुगंधित
करण्यासाठी.
हे समर्पण केवळ दुसऱ्यांसाठी!"
No comments:
Post a Comment